Producto

Што е POXIPOL® ?

POXIPOL® е едно од најиздржливите и најдолготрајни лепила.

  • POXIPOL® е двокомпонентно лепило, лесно за подготовка и за употреба.
  • Се користи за широк спектар на материјали: метал, цемент, грнчарија, дрво, мермер, пластика, стакло, бетон, цемент со влакнести примеси, керамика, гранит, порцелан.
  • Заради големата издржливост и долготрајност е идеален за поправки во домот, работилницата, возилото, на работното место, за вашето хоби или вашиот занает.

ДРУГИ КАРАКТЕРИСТИКИ

  • Одлично лепило со карактеристики слични на заварување на метал.
  • Се нанесува лесно бидејќи е како тесто, но се зацврстува како метал.
  • Не се растекува, дури и на вертикални површини.
  • Не се собира, шири, ниту ја губи формата.
  • Не содржи растворувач.
  • Откако ќе се исуши, може да се буши, струга, да се сече со пила, како и со обични алати.
  • Отпорен е на вода, масла и температура до 120ºC, во зависност како е нанесено.

1

Се ставаат еднакви делови од двете компоненти.

2

Се мешаат се додека не се добие еднобојна маса.

3

Смесата се нанесува врз двете површини кои треба да се залепат и потоа се држат под притисок 10 минути.

 

За да се олесни процесот на мешање на Poxipol® 10 минути, во малите и средни пакувања е вклучен САМОПРОЧИСТУВАЧКИ САД ЗА ПОДГОТОВКА. Овој сад е направен од специјален материјал на кој лепилото не се врзува. Пред да започнете да го користите, отстранете го апликаторот. За повторна употреба доволно е да ја отстраните исушената смеса.

ПРЕПОРАКИ

  • Површините кои се лепат треба да бидат чисти и суви и без остатоци од маснотии и 'рѓа. Се препорачува стругање на површините кои се многу мазни или полирани.
  • Продуктот се стврднува за само 10 минути, но ја достигнува максималната издржливост по 24 часа.
  • Пред да се стврдне, површината која е споена може да се израмни со лопатче или со нож, претходно навлажнети со вода.
  • Внимавајте да не се измешаат капачињата на пакувањата.
  • По употреба, измијте ги рацете со млака вода и сапун.
  • За да се постигне подобро лепење врз не’рѓосувачки челик, бронза или друга многу мазна површина, израмнете ја, истругајте ја, а потоа нанесете POXIPOL® 10 минути.
  • За правилно лепење врз пластика, се препорачува следната постапка:
    1- Исчистете ги површините кои треба да се залепат со крпа навлажнета со ацетон или алкохол. Пред употребата, проверете на дел кој не е многу видлив, дали растворувачот ја нагризува површината на пластиката.
    2- Истругајте ја лесно со хартија за брусење или со водена шмиргла со гранулација од 180 или помалку.

МЕРКИ НА ПРЕТПАЗЛИВОСТ

  • Избегнувајте контакт со кожата и очите. Може да предизвика иритација.
  • Во случај на контакт со кожата, веднаш измијте обилно со млака вода и сапун.
  • Ако иритацијата продолжи и по миењето, консултирајте го вашиот доктор.
  • Содржи епокси смола и терциерен амин.
  • Само за надворешна употреба. Да се чува далеку од дофат на деца и домашни миленици.

POXIPOL® Проѕирен 10 мин. може да се најде во следните пакувања:

  • Мало 16g/14ml
  • Големо 82g/70ml

POXIPOL® Метален 10 мин. може да се најде во следните пакувања:

  • Мало 21g/14ml
  • Големо 108g/70ml

Во продолжение се наброени некои од најчесто среќаваните употреби на POXIPOL®:

Во кујната

  • Поправка на дршки на голем кујнски прибор, како на пример ножеви.
  • Зацврстување на железарија на остави, кујнски апарати, врати.
  • Поставување на шарки на кујнски мебел.
  • Поставување на мијалници од не´рѓосувачки челик на мермерна плоча.
  • Лепење и реставрација на неправилности на мермерни работни плочи.

Во спалната соба

  • Склопување, поправка, зацврстување и спојување на составни делови на дрвен мебел или метални составни делови, особено наменет за поправка и соединување на делови кои треба да издржат голем товар и напор, на пример штици и ивици на кревет, ногарки на маса, фотелји и столици.
  • Поправка на дрвени и метални врати и прозорци.
  • Зацврстување на куки со типли и шрафови за закачување на тешки предмети или украси.

Во дневната соба

  • Монтирање, поправка, зацврстување и спојување на делови на дрвен мебел или метални составни делови, особено наменет за реставрирање и соединување на делови кои треба да издржат голем товар и напор, како на пример штици и ивици на кревет, ногарки на маса, фотелји и столици.
  • Поправка на дрвени и метални врати и прозорци.
  • Зацврстување на куки со типли и шрафови за закачување на тешки предмети или украси.

Во бањата

  • Поправка на резервоари за вода од цемент со влакнести примеси.
  • Лепење на рамка за огледало.
  • Лепење на мијалници.
  • Пополнување и поправка на пукнатини на мијалници и кади.
  • Лепење на неправилности на делови на порцелански тоалет.

Во работилницата/ општа употреба

  • Корекции на дефекти и пополнување на алуминиумски или железни калапи.
  • Поправки на дршки, гриф на гитари, виолини и други музички инструменти.
  • Зацврстување на дршки на алатки како лопати, чекани, чекани со амортизирачки ефект.
  • Лепење на плочи од мермер и гранит.
  • Изработка на навој.
  • Реставрирање на скулптури, статуи и споменици.
  • Зацврстување на куки и ѕидни потпори за закачување на тешки предмети.
  • Лепење на попречни штици на клупа.

Во градината

  • Спојување и поправка на градинарски мебел во метал, дрво и цемент.
  • Поправка и реставрирање на бокали, саксии, големи порцелански садови, фонтани и градинарски украси.
  • Поправка на конструкции од цемент, малтер или мермер, како и статуи или корнизи.
  • Лепење на одводни цевки и сливници од цемент.
  • Зацрвстување на потпори за куки, типли и шрафови за закачување на тешки предмети, алатки и украси во градината.
  • Поправки на алуминиумски цевки за чистење на подот на базени, кои заради комплексноста би биле еден од случаите каде ќе ја опишеме правилната употреба, чекор по чекор, создавајќи напон во внатрешноста на празното црево, онаму каде што е оштетено: се поставува дрвено стапче во внатрешноста, кое ќе биде залепено за цевката со POXIPOL®, зајакнувајќи ја зоната за да се избегне повторно оштетување во истиот дел).
  • Зацврстување на дршки на метли, четки, бришачи за подови.
  • Лепење на чешми за вода.

Кај автомобил/ мотор/ брод/ возило

  • Поправка на резервоар за бензин и алуминиумски радијатори кај автомобили и мотори.
  • Поправка на трупот на пловно возило.
  • Реставрирање на каросерија.
  • Зацврстување и спојување на делови на возила.

ДОПОЛНИТЕЛНА ИНФОРМАЦИЈА

Гарантираме дека информациите објавени тука, изјавите и податоците кои се наведени, се вистинити и веродостојни во моментот на нивното објавување.

Препорачаната употреба и начин на нанесување се засновани на проучувања извршени во ФЕНЕДУР А.Д. /FENEDUR S.A./.

Можните разлики во добиените резултати можат да бидат резултат на неправилно нанесување или поинакви услови при нанесувањето и/или поинакви надворешни услови.

Во случај да имате прашање, или сакате да го искористите и нанесете производот на начин кој не се препорачува во оваа публикација, ве советуваме претходно да се консултирате со ФЕНЕДУР А.Д. /FENEDUR S.A./.

НАЈЧЕСТИ ПРАШАЊА

1На која температура POXIPOL® има најголема издржливост?
Најголема издржливост има на собна температура.
2Која е максималната температура која може да ја издржи POXIPOL®?
Издржува до 120°C, во зависност од тоа како е нанесен.
3Дали POXIPOL® може да се шмиргла, струга, сече со пила, дупчи и/или да се перфорира?
Да. Откако ќе се исуши може да се дупчи, да се струга и да се сече со пила и со обични алати.
4Која од двете компоненти на POXIPOL® му дава поголема цврстина?
Мешањето на еднакви делови од секоја компонента POXIPOL® (сооднос 1:1 во волумен) ја дава максималната цврстина на лепилото. Не се препорачува да се менува соодносот во мешавината на компонентите.
5Дали POXIPOL® е запалив?
Не. POXIPOL® не е запалив.
7Може ли POXIPOL® да се користи за запечатување и поправка на доводи на плин?
Не се препорачува употребата на POXIPOL® за поправка на доводи на плин.
8Може ли POXIPOL® да лепи и да се употребува под вода?
POXIPOL® неможе да лепи врз влажни или мокри површини. Меѓутоа, откако ќе се изврши спојувањето, користејќи POXIPOL® и производот е веќе стврднат (10 минути по нанесувањето) може да се потопи во вода, при што нема ни да се одлепи, ни да се измени.
9Може ли POXIPOL® да се бојадисува?
Да. Откако ќе се нанесе и се стврдне, врз производот може лесно да се нанесе боја и затоа, секогаш кога е возможно, се советува да се употреби оваа техника, за да се добие бараната боја при нанесувањето.
10Дали POXIPOL® Метален и Проѕирен имаат еднаква сила на лепење?
Да. POXIPOL® Метален и Проѕирен го имаат истиот капацитет за лепење и истиот квалитет при употреба; токму заради тоа и двата производа се погодни за спојување на делови кои потоа ќе бидат подложени на голем напор. Проѕирната верзија е специјално изработена за нанесувања каде естетиката на крајниот резултатот е важна.
11Како да се отстранат остатоците од POXIPOL® од рацете?
Со абразивно средство, како на пример пемза. Потоа нанесете заштитна крема за да ги омекнете.

КОНТАКТ

Ако сакате да добиете повеќе информации во врска со POXIPOL® или да стапите во контакт со нас, можете да го направите тоа тука:

Внесете го кодот: